Foto: Myklebust Verft / Kevin Søvre Myklebust

Myklebust Verft har lagt bak seg eit innhaldsrikt år med mellom anna sluttføring av nybygg nr. 78 til Sølvtrans Rederi, samt ombygging av Hurtigrute-skipet Kong Harald. Totalt hadde verftet igjennom året 51 prosjekt til kai som inkluderte 32 dokksetjingar.

- Fjoråret var eit hektisk og variert år for våre tilsette med både større og mindre oppdrag som samla sett gjer at vi leverer eit bra resultat. Spesielt gledeleg er det at vi sikra fleire langsiktige kontraktar på slutten av fjoråret og i første halvår 2024, seier dagleg leiar Leiv Sindre Muren.

I 2023 hadde Myklebust Verft hadde ei omsetning på 420 mill. kroner. Dette er ein nedgang i høve til 2022, hovudsakleg basert på lågare nybyggingsaktivitet. Driftsresultatet enda på 25 mill. kroner, med eit årsresultat før skatt på 22 mill. kroner.

Konsernrekneskapen i 2023 for Myklebust Verft Invest viser ei omsetning på 420 mill. kroner og eit resultat på 23 mill. kroner før skatt.

* Tabell nedst i saka viser nøkkeltal for selskap og konsern i mill. kroner.

God start på 2024

- Det har våre jamn aktivitet på verftet første halvår. Vi har framleis noko ledig kapasitet utover hausten, men vi har god tru på at vi skal kunne levere positivt resultat også i år, seier Muren Nybyggingsoppdraga som verftet har påtatt seg er framleis i tidleg fase og vil i mindre grad gi utslag på omsetninga og aktivitet for året.

Berekraft

Myklebust Verft jobba aktivt med FN sine berekraftsmål. Vi er med på denne utviklinga blant anna saman med våre kundar og leverandørar og er stolte av å ha nybyggingskontraktar som er basert på meir miljøvenlege drivstoff enn tradisjonelle fossile alternativ. Vi arbeider samstundes kontinuerleg og aktivt med å gjere skipsbygging meir berekraftig og på den måten sikre at våre aktivitetar vert gjort på ein mest mogleg miljø-, klima- og samfunnsvennleg måte.

Kontaktinformasjon:
Leiv Sindre Muren, CEO Myklebust Verft, +47 992 55 412 / lesi@myklebustverft.no

Eit innhaldsrikt 2023 for Myklebust